بسم الله الرحمن الرحيم
سبحان الله والحمد لله ولا إله إلا الله و الله أكبر
لا إله إلا الله وحده لا شريك له ، له الملك وله الحمد ، يحيي ويميت ، وهو على كل شيء قدير
اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد
نخش في الموضوع.
ليش نعصب على حاجات تافهه ، مثال بسيط لمن يضيع من شخص شيء تلقاه يتحلطم ويقول : ليش دايمن (دايمًا) يصير لي كده ، أنا إيش سويت عشان يصير لي كده ومن دا الكلام إللي يسم البدن. عزيزي المعصب والمتنرفز ، سؤالي البسيط لك ، بفلسفتك الزايدة هذي وقلة صبرك ، هل حتنحل مشكلتك أم أنك بس ترفع في ضغطك وتؤاذي من حواليك وخلاص ؟؟ أنا ماني قاعد أتفلسف عالفاضي ، أنا كنت كده قليل صبر ، لكن السواقة وخط المطار علموني الصبر ، هههههههههههه ، أمزح بس من جد مع الوقت أتعلمت إنه في أشياء ماتستاهل إنني أعصب عليها ، وبرضو مع ذلك لا زلت أعصب ، بس بالقليل أنا بحاول إنني أبعد عن العادة السيئة هذي.
في حاجات كتير تعلم الصبر والهدوء خلينا نحاول نسويها عشان نحول الطاقة السلبية إللي بتروح سدى - متعوب عليها دي - إلى طاقة إيجابية تنفعنا كلنا بإذن الله ، كمثال الصيد معروف منذ أزل الأزل إنه يعلم الصبر ، ليش ؟ لأنه بكل بساطة حتقعد تستنى السموكة الشطورة إنها تقع في الفخ (الطعم) وتاخدها العملية هذي تحتاج وقت ، وقتها حتكون معصب على البحر وتقلو ندر السمك إللي في وسطك ولا حتقعد بهدوء وسكينة تصبر إلين يجيك نصيبك ؟؟ حاجة تانية ممكن تخليك تهدى هيا الصلاة ع النبي اللهم صلي وسلم عليه ، كذلك الاستغفار وذكر الله.
بس خلاص <<< شكلي حأخليها في ختام كل تدوينة إن شاء الله
لا تنسو إخواننا إللي في سوريا من دعائكم
هذا وصلى الله على نبينا محمد وعلى آله وصحبه وسلم
