الحمد لله والصلاة والسلام على رسول الله
الحمد لله على وصولي إلى أراضي الوطن الشقيق بسلام وأمان - كنت في الشرقية ورجعت جدة - ماعلينا ماعلينا ! الفترة إللي فاتت أنقطعت عن أي نشاط غير تضييع الوقت - دا إزا كان نشاط من الأساس - ليش ؟ عشان كانت فترة اختبارات ، بالرغم إنه كان عندي فترة ٩ أيام بريك بين اختبارين ، بس للأسف ضاع الوقت على FRIENDS مسرع والأفلام التافهه إللي ما منها فايدة ، والحاجة الأكتر إللي ضاع وقتي فيها هي الكسل والعياذ بالله .
لو جينا نعرف الكسل بصفة عامة ، اسمي لازم يكون في التعريف ولا ما يكون شامل . حاولت مرات عديدة - متعوب عليها - إني أنشط من نفسي وأصير سمبتيك بنشاطي وينبرمبي المسل في النشاط ومن دا الكلام ، بس لمن عرفت إنه عشان أكون نشيط لازم أتحرك ، كنسلت المشروع - دعابة - لكني في مرحلة تنشيط نفسي الحمد لله .
You can be the greatest , you can be the best .
عبارة بالرغم من أنها جات في مكان غلط لكن تستحق التأمل ، معناتها إنه يمديك تكون أحسن واحد في السقف - كلمتي الجديدة - لكن المعنى المخفي فيها هوا ، إنه لازم تصنع الأحسن واحد في السقف بنفسك ، مو تكون أحسن واحد عشان بابا ولا ماما قالولك إنت أحسن واحد ، لازم تجتهد على نفسك وتشتغل صح عشان تلقى نصيبك ، ولو ما لقيتو بسرعة لا
تيأس .
لا حياة مع اليأس ولا يأس مع الحياة ، قروشونا بيها في الإزاعة الصباحية كل يوم من تالتة متوسط إلين أولى إبتدائي - سيي وات آي ديد ذير - لكن ترا من جد لمن تيأس من فشلك مرة ومرتين ما حتكون عندك حياة تستاهل إنك تتعب عليها ، الفشل مو حاجة سيئة ، بالعكس الفشل نقطة إيجابية في حياتك ، لأنه الفشل يكسبك خبرة ، يظهرلك مين من إللي حواليك مهتم فيك ، عشان كده لا تزعل لمن تفشل لكن أزعل لمن ما تتعلم من فشلك .
بس خلاص
هذا وصلى الله على نبينا وحبيبنا محمد وعلى آله وصحبه وسلم
